مشاكل الحب .. مشكلة رقم 1 - عايزين رأيكم ونساعد صاحبها

من طرف جلال الخميس أكتوبر 02, 2008 4:23 pm

اولا اشكر ادمن لاختيارى مشرف فى القسم دة وهاول ان شاء اللة ابذل كل جهدى فية
واقدم لكم الجديد والمتميز دايما
وبما انة قسم الفضفضة
تعالو نفضفض مع بعض
ونحل مشاكل بعض
الل عندة مشكلة يبعتهالى فى رسالة خاصة
او على الميل بتاعى
وانا اولا اوعدة انا اكتب اول حرف من اسمة بس
وثانيا احافظ على سرة
وثالثا يشوف رأى اخواتة فى حل المشكلة
وكمان كلنا نستفيد يمكن تقابنا مشاكل متشابهة
نعرف ازاى نوصل لحل ليها
وشكرااااااااااااااااااااااااااااا

المشكلة : حب على النت
---------------------

وهنا دلوقتى مع اول مشكلة شفتها فى موقع معين ونشوف مع بعض ازاى نساعدها
----------------------------------------

المعذبة م
---------
انا انجرحت فى الحب مرة قبل كدة .. وحرمت احب تانى وبصراحة مكنتش باثق فى حب النت
خالص لكن فجأة اتعرفت على شاب من هنا وبصراحة كان مؤدب قوى فى كلامة معايا ومرة كنت
عيانة قوى فقعد يتابعنى كل شوية ويتصل بية علشان يطمن علية وصوتة فى الموبايل شدنى قوى بصراحة
المهم انى قابلتة اكتر من مرة وكل مرة كنت باحس انى باتعلق بية اكتر
وبعد كدة فاتحنى فى الارتباط بية بس لما يخلص الجامعة وانا اخلص دراستى
وشوية شوية بقى يهتم اكتر ويغير عليةاكتر لغاية ماحسين انى باحبة وانة هوة فارس احلامى
وفجأة لقيتة بيتقل علية فى النت وكل ماااكلمة يقولى ثوانى عشان مشغول وعندى حاجات باخلصها على الجهاز
بصراحة واحدة صاحبتى وانتيمى اقترحت علية انى اختبرة وعملت خطة كدة .. عملت اميل جديد
وحطيت فية صورة بنت حلوة وبعتلة اضافة فى عز ماهو مشغول عنى .. لقتة قبل الاضافة وبدا يتكلم وعايز
يتعرف علية أكتر .. المهم اديتة بيانات طبعا كلهل وهمية عنى وفضلت اكلمة كام يوم بس بتقل شوية لقيتة
طلب منى رقم الموبايل قولت لة بعدين وبعد كدة طلب يشوفنى
بصراحة انا جننتة بكلامى الحلو وكل ماتقل علية يتشد لية اكتر
طبعا مش هاقولك انا قد اية كنت مصدومة فية لانة بيقولها نفس الكلام اللى كان بيقولهولى فى الحب
وطبعا ندمت انى حبيتة .. المشكلة بقى دلوقتى انى مش عارفة اعمل معاة اية ؟
فكرت انى اواجة بعد ماسيفت كلامة كلة للبت ( اللى هى انا طبعا ) واقولة ع الميل الحقيقة
او اخد منة معاد واروح اضبطة وابين لة انى انا اللى كنت باختبرة وانا فشل فى الاختبار
ولا اعمل اية ؟ مش عارفة
--------------------------------------

من طرف جلال السبت أكتوبر 04, 2008 4:31 pm

الرد :
على فكرة يا م .. المشكلة دى بتحصل كتير قوى وبرافوا على صاحبتك انها شارت عليكى الخطة دى
علشان على الاقل تكتشفى الوهم اللى هوة كان معيشك فية وتعرفية على حقيقتة
واظن انك لو حتى حبيبتة فاللى عملة معاكى دة يخليكى تنسى الحب دة خالص لانة مايستحقهوش فعلا
وعلى فكرة هوة دخلك صح لما عرف انك رومانسية وعرف انك عيانة فبدأ يهتم بيكى اكتر علشان
يجيب رجليكى فى خية الحب ويضيفك لقايمة البنات اللى عمل معاهم كدة قبلك
ودة اما مراهق لسة مايعرفش الحب او انة مريض وبيفتخر قدام اصحابة بعدد المعجبات اللى بيكلموة ع النت
انا بقى من رأيى ان مواجهتك لية لا هتودى ولا هتجيب ولا هتفوقة من اللى هوة فية خالص
احسن حاجة تعمليلة احلى بلوك ودليت ولما يطلبك موبايل ماترديش ولا تضعفى ابدا
وتسيبة محتار كدة دايما ويسأل نفسة : هى عملت كدة لية؟
ودة احسن عقاب لية
ثانيا تخرجية من حياتك خالص يعنى تنسية خالص لانة مايستاهلش الثوانى اللى هتفكرى فيها فية
وثالثا تتعلمى ان الحب مابيجيش بالسهولة دى .. ماتصدقيش اللى يقولك بحبك من اول تكة ع الكيبورت
هههههههههههههههههههههه الحب احساس وتواصل واهتمام وجدية واحترام للمشاعر
وثالتا ادعيلك ربنا يرزقك باأحسن منة انشاء الله
--------------------------------------

مشاكل الحب .. مشكلة رقم 1 - عايزين رأيكم ونساعد صاحبها

مشاكل الحب .. مشكلة رقم 1 - عايزين رأيكم ونساعد صاحبها

رد: مشاكل الحب .. مشكلة رقم 1 - عايزين رأيكم ونساعد صاحبها